Eltingin hjá Posta av Sunleifi Álaberg endað í løgtinginum

20.10.2021 - 12:20
AktueltPolitikkur
Eltingin hjá Posta av Sunleifi Álaberg endað í løgtinginum
Jørgen Niclasen, landsstýrismaður, skal nú svara upp Posta-eltingina í løgtinginum. Tað er Bjarni Hammer, tingmaður, ið spyr, hvat Jørgen Niclasen heldur um málið
Málið um Sunleif Álaberg, fyrrverandi postmaður, sum Føroya rættur hevur staðfest bleiv eltur í loyndum og burturvístur av órøttum, er endað í løgtinginumi hann av órøttu
 

Tað hevur vakt miklan ans, at tað er komið fram, at Posta, sum er eitt alment partafelag, í loyndum hevur elt Sunleif Álaberg, postmann, við myndatóli, tí leiðslan í Posta vildi prógva, at Sunleif Álaberg snýtti Posta við at skriva sær ov nógva yvirtíð. 

Føroya rættur hevur staðfest, at Sunleif Álaberg ikki snýtti Posta, og tí var hann burturvísur av órøttu av Posta. Sunleif Álaberg fekk 252.000 krónur í endurgjaldi fyri mista inntøku. 

 

Endað í løgtinginum

Nú er málið eisini endað í løgtinginum, tí Posta er eitt alment partafelag. 

Bjarni Hammer, tingmaður fyri Javnaðarflokkin, spyr Jørgen Niclasen, landsstýrismann í fíggjarmálum, sum varar av Posta, hvat hann heldur um ítøkiliga Postamálið. 

Bjarni Hammer spyr:

  1. Hvat heldur landsstýrismaðurin um ítøkiliga stríðsmálið millum leiðsluna í Posta og starvsfólk, har Posta er dømt í Føroya Rætti fyri, av órøttum, at hava sagt starvsfólk úr starvi, at hava elt og tikið ólógligar myndir av starvsfólkinum?
  2. Kann landsstýrismaðurin greiða løgtinginum frá, um hetta er eitt einstakt fyribrigdi ella um onnur stríðsmál hava verið millum leiðsluna og starvsfólk?
  3. Góðtekur landsstýrismaðurin framferðarháttin hjá Posta, og heldur landsstýrismaðurin tað vera nøktandi fyri eitt alment partafelag?
  4. Hvat ætlar landsstýrismaðurin at gera, fyri at tílík forfylging av starvsfólkum í almenna partafelagnum ikki endurtekur seg?

Viðferðin, sum Sunleif Álaberg, postmaður, fekk av Posta, hevur fingið nógv umrøðu í Degi og viku. 

20211014_SUNLEIF_ALABERG_BLEIV_BURTURVISTUR_AV_OROTTUM

 

Dimmalætting hevur eisini skrivað um málið: - Eingin eigur at verða viðfarin á henda hátt

 

Kann vera revsivert at elta

Tað kann vera revsivert í loyndum at elta starvsfólk, heldur Dátueftirlitið. 

20211015_ELTING_KANN_VERA_REVSIVERT

 

Er kopiera
Nýggjastu sendingar í ÚV
Hósdag 7. juli
Summarmorgun 070722
141932
Hósdag 7. juli
Morgunlestur hósdagur 7. juli 2022
141655
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Nýggjastu sendingar í SV
Mikudag 6. juli
Úr savninum: Urtagarðurin (1:8)
141924
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574