14 milliónir krónur til havgransking

Fýra nýggjar havgranskingarverkætlanir hava fingið játta stuðul.

Tað boðar Granskingarráðið frá.

Tað er faknevndin fyri skránna um havngransking í Norðuratlantshavi, sum hevur játtað í alt 14 milliónir krónur til fýra verkætlanir.

Hetta eru fyrstu játtanirnar frá granskingarskránni, sum danska stjórnin hevur játtað stuðul til á donsku fíggjarlógini í tíðarskeiðium 2020 til 2023.

Endamálið við granskingarskránni er at styrkja samstarvið millum Grønland, Føroyar og Danmark um havgransking í Norðuratlantshavi.

Talan er um tvær ph.d-verkætlanir og tvær post.doc verkætanir við luttakarum frá stovnum í Grønlandi, Føroyum og Danmark, umframt Noreg og Skotlandi.