Toskakvotan á Flemish Cap verður 894 tons næsta ár

Toskakvotan á Flemish Cap verður 894 tons í 2022.

Í ár var hon bara 335 tons.

Fiskivinnuráðið heitir á Fiskimálaráðið um at broyta reglurnar í lógaruppskotinum um brúksskyldu, so brúksskyldan ikki verður galdandi í 2022 og 2023.

Tí skipini, sum fiska tosk á Flemish Cap og undir Íslandi og kongafisk í Irmingarhavinum, kunnu missa 30 prosent av sínum kvotum.

Bara eitt skip fiskaði í ár

Kvotan á Flemish Cap er so lítil, at skynsamast er, at so fá skip sum gjørligt fiska hana.

Í ár var kvotan á Flemish Cap 335 tons. Bara eitt skip fiskaði hana. 

Hetta fer ikki at bera til í 2022, um brúksskyldan verður sett í gildi, sigur Fiskivinnuráðið. 

Sambært lógaruppskotinum kemur brúksskyldan í gildi 1.januar 2023.