Løgtingið skal góðkenna fíggjarnevndarskjøl

Jørgen Niclasen, landsstýrismaður, hevur biðið løgtingið um at góðkenna eykajáttanirnar, sum fíggjarnevndin hevur latið við fíggjarnevndarskjali í ár.

Talan er um ein umbøn upp á 3,5 milliónir krónur til farsóttartilbúgving, tí koronufarsóttin tók seg uppaftur í summar, og útlit vóru til, at játtanin á fíggjarlógini til farsóttartilbúgving fór ikki at røkka til virksemið.

Í uppskotinum er haraftrat tikin við dagførd meting av koronukanningum av ferðandi til Føroya, og tað, sum tey hava goldið fyri kanningina.

Útreiðsluneutrala hækkingin í útreiðslum og inntøkum er sostatt átta milliónir kr., sigur Fíggjarmálaráðið.