Føroyingar keyptu færri bilar í november

Áhugin hjá føroyingum at keypa bilar var væl minni í november í ár enn í november í fjør. 

188 akfør vórðu skrásett í november í ár, meðan 253 vórðu skrásett sama tíðarskeið í fjør.

Tað eru 65 akfør færri í ár.

Fleiri brúktir bilar

1.desember vóru skrásett 2643 nýggj akfør í Føroyum, og tað er 55 færri enn fyrstu 11 mánaðir í fjør.

Nógv fleiri brúktir bilar eru innfluttir í ár enn í fjør. 

31 fleiri brúktir bilar vórðu skrásettir í november, og teir eru 85 fleiri higartil í ár.