Meirilutin í Fíggjarnevndini minkar raksturin við 56,6 mió. kr.

Meirilutin í Fíggjarnevndini hjá løgtinginum hevur nógvar sparingar í sínum áliti um uppskotið um fíggjarlóg fyri 2022.

Í meirilutanum eru samgongan og Sjálvstýri.

Meirilutin hevur minkað raksturin góðar 56,6 milliónir krónur, men íløgurnar eru 18,4 milliónir størri enn í uppskoti landsstýrisins.

Avlopið 53,2 mió. kr.

Sambært uppskoti meirilutans verður avlopið í fíggjarlógini 53,2 mió. kr.

Minnilutin í Fíggjarnevndini, Javnaðarflokkurin, Tjóðveldi og Framsókn, mælir til at taka 100 milliónur meira í veiðugjaldi frá uppsjóvarvinnuni og 100 milliónir meira í tøkugjaldi frá alivinnuni.

Onnur viðgerð um fíggjarlógina verður í dag, og er einasta mál í dagskránni fyri tingfundin í dag klokkan tíggju.