Nevndin í Magni umskipað

Nevndin í partafelagnum Magni er umskipað, nú Magn er selt smápartafelagnum Orkufelagnum.

Tveir íslendingar eru farnir úr nevndini. Teir eru Árni Pétur Jónsson og Jón Ásgeir Jóhannesson, sum var nevndarformaður.

Tveir aðrir íslendingar eru komnir í nevndina.Teir eru Páll Snorrason og Torvaldur Gissurarson.

Teitur formaður

Tveir føroyingar eru eisini komnir í nevndina hjá Magni.

Teir eru Teitur Nolsøe Poulsen, sum nú er nevndarformaður, og Gunnar Mohr. 

Íslendingar eiga 60 prosent av Orkufelagnum.