Útróðrarmenn úr Suðurstreymoy fingu 66 prosent meira fyri fiskin

Útróðrarmenn úr Suðurstreymoy fingu 66 prosent meira fyri fiskin
Betri fiskaprísir, batnaðar avreiðingarnøgdir og fleiri, sum avreiða, er helst orsøkin til, at limirnir í Suðurstreymoyar útróðrarfelag fingu 66 prosent meira fyri fiskin
Fleiri rógv út í høvuðsstaðnum, og meira fæst fyri fiskin. Eisini nøgdin hevur verið størri
Mynd: Tórður Mikkelsen  
 
10.01.2022 - 07:55

Limirnir í Suðurstreymoyar útróðrarfelag fingu tveir triðingar meira fyri fiskin, sum teir avreiddu í fjør, enn teir fingu í 2020.

Tað mesta áhugaverda er helst, at virðið á fiskinum, sum limirnir hava selt, er økt ikki minni enn 66 prosent. 

Orsøkin er fleiri limir, sum avreiða, nógv betri fiskaprísir og kanska nakað batnaðar avreiðingarnøgdir, sigur felagið í tíðindaskrivi um ársaðalfundin, sum var fríggjakvøldið.

 

Flyta kranan til hóskiligari stað

Tórshavnar havn hevur yvirtikið kranan hjá Suðurstreymoyar útróðrarfelagi og fer at flyta kranan til hóskiligari stað. 

Limirnir kunnu nú leiga seg inn í ein egningarskúr, sum er gjørdur í stand, har teir bara leiga sín egna part.

Soleiðis eru nú átta bátar, sum hvør leiga seg inn í sama skúr. 

 

Sleppa undan at kryvja

Í samstarvi við landingarmiðstøðina Barðið kunnu bátarnir avreiða bløðgaðan daggamlan fisk.

Útróðrarmenninir sleppa tí undan kryvjingini. 

Og fiskurin kann nú, umframt á gólvuppboðsmarknaðinum, seljast á telefonuppboðssøluni. 

 

30 limir

Suðurstreymoyar útróðrarfelag hevur 30 limir, og 24 vóru á aðalfundinum.

Jógvan Trondesen Andreasen heldur fram sum formaður, og Ragnar Hentze heldur fram sum næstformaður.

Sámal Lindenskov er nývaldur og kemur í nevndina fyri Carl August Arge, sum takkaði fyri seg eftir 10 ára nevndararbeiði.

Doru Tiberiu Á Torvlaðnum heldur fram sum tiltakslimur.

Tórður Mikkelsen vitjaði á Ískaini í Havn og gjørdi eina Við Tórði á túri sending um útróðurin í høvuðsstaðnum. 

>>HOYR VIÐ TÓRÐI Á TÚRI Á ÍSKAINI Í HAVN

1493404


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584