Posta hátíðarheldur Margrethu drotning

Tann 14. januar 2022 kann Margretha drotning hátíðarhalda, at hálv øld er liðin, síðani hon gjørdist drotning.

Í tí sambandi gevur Posta út eitt serligt smáark, har Margretha drotning situr framman fyri Kirkjubømúrin.

Drotningin er í føroyskum klæðum, og kring hana er grønur bøur og blátt hav.

Stóran tokka til Føroyar

Á henda hátt vísir smáarkið tokka hennara til Føroyar, og føroyska søgu, mentan og náttúru, skrivar Posta í tíðindaskrivi. 

Posta vísir á, at eingin av kongunum undan henni hevur vitjað í Føroyum so ofta sum Margretha drotning. 

Tað er viðurkendi norski listamaðurin, Martin Mörck hevur sniðgivið og myndrist smáarkið.

Margretha drotning, Posta, smáark

Frítekst tagging: 

Margretha drotning

posta