Longri avgreiðslutíð hjá kommunulæknum og apotekum hesa vikuna

Um fólk halda, at tey noyðast at bíða leingi hjá kommunulækna, í sjúkrahúsunum og á apotekunum, er tað ikki uttan grund.

Tí talgilda heilsuskipanin var uppstigað í vikuskiftinum. 

Tí kunnu fólk vænta, at avgreiðslutíðin hjá kommunulæknum og á apotekunum verður eitt vet longri í hesari vikuni, meðan starvsfólkini venja seg við uppstigaðu skipanina, stendur á heimasíðuni hjá Sjúkrahúsverkinum.

Til dømis tekur longri tíð at endurnýggja reseptir.

Tí heitir Sjúkrahúsverkið á fólk um ikki bíða við at endurnýggja reseptir til í síðstu løtu.