Medisinsk útgerð er ikki løgskipað í Føroyum

Eingin lóg um medisinska útgerð er í Føroyum. 

Og eingi amboð forða fyri, at medisinsk útgerð, so sum útgerð, sum ikki er góðkend í ES, kemur til Føroya og verður brúkt her. 

Men nú er gjørt eitt lógaruppskot um medisinska útgerð. Sambært uppskotinum skal lógin koma í gildi 1.januar 2023.

Landsapotekarin skal umsita lógina

Medisinsk útgerð er amboð, tól, útbúnaður, tilfar, skipan, hjálpartól ella einhvør annar lutur, sum vera brúkt í heilsuverkinum.

Sambært lógaruppskotinum skal landsapotekarin umsita lógina.

Tann umsitingin fer at krevja eitt ella tvey ársverk. 

Tær útreiðslurnar verða fíggjaðar við gjøldum frá framleiðara, innflytara og útbjóðara av medisinskari útgerð, sigur Heilsumálaráðið.