Kenna seg hóttar, um teir atkvøða ímóti Boris Johnson

Konservativir tinglimir í Bretlandi kenna seg trýstar og hóttir av sínu stjórn fyri at bjarga Boris Johnson, forsætisráðharra og formanni í Konservativa flokkinum.

Tað segði William Wragg, tinglimur, í eini røðu í parlamentinum í dag.

- Seinastu dagarnar eru fleiri parlamentslimir trýstir og hóttir av ráðharrum í stjórnini, tí teir hava sagt seg vera fyri, ella umhugsa at leggja fram misálit á forsætismálaráðharran, sigur hann.

Valdømi fáa færri pengar

Sagt verður, at parlamentslimirnir millum anað eru hóttir við, at søgur um teir kunnu leka út til fjølmiðlar, og at teirra valdømi fer at fáa færri pengar, um teir bara so mikið sum umhugsa at atkvøða ímóti, at Boris Johnson skal vera formaður í konservativa flokkinum.

Ein av teimum, sum hevur verið undir trýsti, er Christian Wakeford, sum í gjár fór úr Konservativa flokkinum og upp í Labour.

Fólk í bretska arbeiðaraflokkinum eru óð um støðuna og siga, at útsagnirnar um trýst og hóttanir skulu kannast nærri.