Kvotur til vinnuligar royndir kunnu leggjast um til egnar kvotur

Uppskot um greiðari og neyvari reglur er gjørt um kvotur av uppsjóvarfiski, sum eru latnar til vinnuligar royndir og verkætlanir. 

Endamálið er at broyta sjófeingislógina soleiðis, at lógarkarmarnir fyri at umleggja kvotur, sum eru latnar til vinnuligar royndir og verkætlanir, til egnar árskvotur, verða greiðari og neyvari.

Nágreinað verður, hvat telur við, tá ið lagt verður um til egnar árskvotur.

Og tað skal gerast møguligt at flyta ískoytiskvotu, latin ávísum fiskifari, á annað fiskifar, sum sami eigari útvegar sær.

Uppskotið um tillagingarnar í sjófengislógini er til hoyringar í løtuni.