90 kilometrar av kaðali í Sandoyartunlinum

90 kilometrar av kaðali vera í Sandoyartunlinum, upplýsir SEV.

- So hvørt sum NCC hevur gjørt vegin, hava vit lagt okkara leiðingar í. Vit leggja okkurt um 500 metrar hvørja ferð, sigur 
Mads á Heyggi, kaðal- og linjumeistari á rakstrardeildini hjá SEV.

Arbeitt verður harumframt við einum grevstri, sum er frá koplingarstøðini í Húsahaga og skal enda í einari koplingarstøð á Sandi.

10 transformarastøðir

Sambært verkætlanini verða 10 transformarastøðir í tunlinum umframt ein uttanfyri hvønn tunnilsmunna. 

Fyrstu fýra trafostøðirna verða klárar at seta upp 1.mai.

Eftir ætlan verður arbeiðið hjá SEV í Sandoyartunlinum liðugt um ársskiftið.