LUM: Fyrisitingin av matrikulering í Føroyum er ov vánalig

Fyrisitingin av matrikulering í Føroyum er ov vánalig.

Tað staðfestir Løgtingsins umboðsmaður eftir at hon hevur kannað fyrisitingina av matrikuleringum í Føroyum.

Í einstøkum máli tók tað 15 ár at avgreiða mál um marknaseting

Jeppe Sommer Bruun, nýsettur deildarleiðari á Matrikuleringini hjá Umhvørvisstovuni, viðgongur, at tað ikki er nóg gott. 

Umboðsmaðurin skrivar í síni frágreiðing, at batar eru at hóma í málsviðverðini, sum nú gongur skjótari og smidligari. 

Jeppe Sommer Bruun, deildarleiðari, byrjaði at broyta mannagongdir beinanvegin, hann varð settur í starv, og tað er áðrenn frágreiðingin hjá Løgtingsins umboðsmanni varð almannakunngjørd. 

Heini Gaard tosaði við Jeppe Sommer Bruun.  
Stjórin á Umhvørvisstovuni, Sigurð í Jákupsstovu, váttar at tey hava tikið atfinningarnar til eftirtektar og longu hava broytt mannagongdir.