120 mió. kr. í avlopi í fjórða ársfjórðingi

120 mió. kr. í avlopi í fjórða ársfjórðingi
Avlopið hjá Bakkafrosti í 2021 var tilsamans 964 mió. kr. eftir skatt
Bakkafrost tók 25.800 tons av laksi, 20.700 tons í Føroyum og 5.100 tons í Skotlandi, í fjør.
 
22.02.2022 - 08:44

Rakstrarúrslitið hjá Bakkafrost-samtakinum var 120 milliónir krónur í fjórða ársfjórðingi 2021.

Bakkafrost tók 25.800 tons av laksi, 20.700 tons í Føroyum og 5.100 tons í Skotlandi.

Aligeirin í Skotlandi hevði eitt rakstrarhall, sum er 214 milliónir krónur. 

Úrslitið eftir skatt í fjórða ársfjórðingi hjá Bakkafrost samtakinum var tríggjar milliónir krónur í halli.

Hallið var 38 milliónir í fjórða ársfjórðingi í 2020.

964 mió. kr. í avlopi í fjør

Fyri alt árið 2021 var úrslitið eftir skatt 964 milliónir krónur. Tað var 463 milliónir í 2020.

Lívfrøðiligar avbjóðingar í Skotlandi ávirkaðu úrslitið í fjórða ársfjórðingi.

Gongdin er síðani batnað, og fellið er nú aftur tað vanliga, sigur Regin Jacobsen, stjóri.

Marknaðurin var sera góður í fjórða ársfjórðingi. Laksaprísurin var í miðal 16,48 norskar krónur fyri kilo størri enn í fjórða ársfjórðingi 2020.

16,48 norskar krónur eru 12,05 danskar.

Góð útlit

Marknaðarútlitini fyri 2022 eru góð, sigur Bakkafrost.

Bakkafrost hevur aðalfund 29.apríl. Tá fer nevndin at skjóta upp, at 5,14 krónur verða goldnar í vinningsbýti fyri hvørt partabræv.

59 milliónir og 143.000 partabrøv eru í Bakkafrosti. 


 

Er kopiera
Nýggjastu sendingar í ÚV
Hósdag 25. apríl
Morgunlestur hósdagur 25. apríl 2024
173997
Mikudag 24. apríl
Skratsj 24. apríl 2024
174183
Mikudag 24. apríl
RagnarRokk: Dr.Dead um Hey Living People
174175
Mikudag 24. apríl
Góðan morgun Føroyar
174167
Mikudag 24. apríl
Morgunlestur mikudagur 24. apríl 2024
173996
Nýggjastu sendingar í SV
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012
Sunnudag 21. apríl
Guðstænasta úr Hoyvíkar kirkju
174010