34.648 fólk hava havt koronu seinastu tvey árini

02.03.2022 - 08:32
AktueltHeilsa
34.648 fólk hava havt koronu seinastu tvey árini
Seinastu sjey samdøgrini eru 1.050 staðfest at vera smittað
Sjúkrahúsverkið er givið at kanna fyri koronu, men landslæknin hevur framhaldandi eftirlit við støðuni fyri at tryggja, at nýggj frábrigdi verða uppdagað skjótast gjørligt.
Mynd: Bjarni Árting Rubeksen  
 

Í gjár, seinasta dagin, sum almennnu koronutølini vóru kunngjørd, vóru 275 tilburðir staðfestir.

551 kanningar vóru gjørdar mánadagin.

34.648 koronutilburðir eru staðfestir í Føroyum síðani 3.mars 2020.

Seinastu sjey samdøgrini eru 1.050 staðfest at vera smittað.

Í løtuni eru seks fólk innløgd við koronu, harav tvey vegna koronu. 31 fólk eru deyð við koronu í Føroyum.

 

Tvey ár síðani fyrsta tilburðin

Fyrsti staðfesti smittutilburðurin í Føroyum var fyri tveimum árum síðan, tann 3.mars 2020.

626 tilburðir vóru staðfestir í 2020, 5.455 í 2021, og í ár eru staðfestir 28.567 korounutilburðir.

Stóra smittulutfallið gevur ábendingar um, at myrkatalið er stórt, sigur landslæknin. 

Hetta eru tilburðir, sum ikki eru staðfestir. 

 

Meginparturin hevur havt omikron

Landslæknin heldur tí, at meginparturin av fólkinum í Føroyum hevur havt omikron-frábrigdið.

Landslæknin hevur framhaldandi eftirlit við støðuni fyri at tryggja, at nýggj frábrigdi verða uppdagað skjótast gjørligt.

Hann fer eisini at hava eftirlit við, hvussu leingi mótstøðuføri er eftir smittu við koronu.
 

Er kopiera
Nýggjastu sendingar í ÚV
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750