Klevstrand komin á Fuglafjørð

Klevstrand og Brimil eru komnir á Fuglafjørð.

Danska farmaskipið Klevstrand sendi út neyðarkall stutt fyri klokkan sjey í gjáramorgunin, tí sjógvur var komin í maskinrúmið og elvdi til skammlop.

Skipið, sum var á veg úr Íslandi, var tá statt í ringum veðri 100 fjórðingar í ein útnyrðing úr Mykinesi.

Trolarin Brestir var fyrstur hjá Klevstrand.

Men Brimil kom til Klevstrand klokkan 20 minuttir yvir trý seinnapartin í gjár og fylgdi skipinum til Føroya. 

Seks mans eru við Klevstand, sum er góðar 70 metra langur coastari, bygdur í 1970.