Bólturin aftur á rull

So rullar bólturin aftur i Betri-deildini við monnum.

Tríggir dystir eru á skránni í dag.

Á Dungasandi í Sørvági tekur 07 Vestur, við navnframa dananum, Michaeli Schjønberg, í síðulinjuni, fyri fyrstu ferð, ímóti Víkingi. Tann dysturin byrjar klokkan 14.

Ein tíma seinni, klokkan 15, byrjar dysturin í Vika á Argjum har HB er á vitjan hjá argjamonnum, sum hava fingið sera nógvar nýggjar spælarar í vetur.

Suverena meistaraliðið, KÍ, byrjar verjuna av FM-heitinum á vestara armi á Skálafjørðinum, har uppflytarin, Skála tekur ímóti. Tann dysturin byrjar klokkan 17.

Í morgin eru tveir dystir. EB/Streymur spælir á heimavølli ímóti NSÍ, og B36 tekur ímóti B68 í Havn. Báðir dystirnir eru klokkan 15.