- Tíðindi, mentan og ítróttur
Ukraina: Russar forða fyri neyðhjálp til Mariupol
Ukraina: Russar forða fyri neyðhjálp til Mariupol
Vladimir Putin, forseti, hevur sagt franska forsetanum, at kríggið í Ukraina heldur fram
Mariupol í Ukraina er bumbaður í sor, og nú forða russar eisini fyri, at neyðhjálp kemur til býin, siga hjálparfelagsskapir.
Mynd: Ritzau Scanpix
23.03.2022 - 08:50
Hjálparfelagskapir vilja vera við, at umleið 100.000 fólk framvegis eru í býnum Mariupol í Ukraina, sum Vladimir Putin vil hava hendur á.
Myndugleikarnir í Ukraina skuldseta russiskar hermenn fyri at hava steðgað einum fylgi av lastbilum við hjálp til fólk í Mariupol. Bilarnir eru steðgaðir tveir kilometrar frá býnum, siga myndugleikarnir í Ukraina.
Fólk royna at sleppa úr býnum, men tað er við vanda fyri lívinum, siga myndugleikarnir.
Tíðindakvinnan hjá DR, Anna Gaarslev, segði soleiðis í morgun um støðuna í Mariupol:
1516901
Putin vil ikki gevast
Franski forsetin, Emanuel Macron, tosaði í gjár við russiska forsetan, Vladimir Putin, fyri at royna at fáa hann at gevast við krígnum í Ukraina.
Men svarið var greitt, kríggið í Ukraina fer at halda fram, segði Putin.
Arbeiðið at fáa vápnahvíld í Ukraina heldur fram, sigur franski forsetin.
Ukrainski forsetin, Zelenskij, segði í nátt, at samráðingarnar við Russland um eina vápnahvíld halda fram, men framstigini eru smá, segði hann.
Russiski forsetin, Vladimir Putin, hevur ongar ætlanir um at gevastvið krígnum í Ukraina. (Mynd: Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
