Kærur um larm frá skipum verða vístar aftur

Skipini halda seg til markvirðið, men reglugerðin ásetir ongar avleiðingar fyri skipa, sum bróta hana, sigur forkvinnan í Heimafriði

Kært verður um larm frá skipum, sum liggja ymsastaðni kring landið. Henda myndin er av russiskum trolarum í Kollafirði.

Heini Gaard

28.03.2022 - 13:48

Seinastu vikurnar hava grannar kært um larmandi skip í Havn, Ánunum, Runavík og á Signabø.

1. januar kom annars kommunala reglugerðin í gildi, sum krevur, at eitt markvirði fyri larm verður hildið á kaiøkinum.

Trupulleikin er, at skipini halda seg til markvirðið, og kærurnar verða tí vístar aftur.

Trina Eysturoy er forkvinna í felagnum Heimafriði:

1518003

Trina Eysturoy

Trina Eytsuroy er forkvinna í Heimafriði.

Kommunala reglugerðin kom í staðin fyri, at landið ásetti við kunngerð, hvussu nógv skip kunnu larma. Ein kunngerð, sum har Heimafriður eisini var hoyringarpartur, og felagið hevði fleiri fundir við Helga Abrahamsen, fyrrverandi landsstýrismann, um málið.

Kunngerðin kom tó ongantíð. Í staðin ásettu kommunurnar í felag eina reglugerð.

Men tann reglugerðin ásetir ongar avleiðingar ella revsing fyri tey skipini, sum bróta reglugerðina, sigur forkvinnan í Heimafriði:

1518004