USA sendir hermenn og stríðsflogfør til Eysturevropa

Amerikanska stjórnin fer at senda hermenn og stríðsflogfør til Eysturevropa í næstum.

Tað sigur John Kirby, talsmaður fyri amerikanska verjumálaráðið, Pentagon.

Tað er fyri at vísa, at amerikanarar eru í økinum, meðan kríggið í Ukraina herjar, sigur hann við tíðindastovuna, dpa.

Umleið 200 amerikanskir hermenn venja í løtuni í Noregi. Teir verða fluttir til Litava.

10 Hornet-jagaraflogfør og fleiri Hercules-flutningsflogfør eru eisini tøk hjá Nato at brúka. Enn er ikki greitt, hvar í Eysturevropa flogførini skulu flytast.

Danska stjórnin boðaði í gjár frá, at hon eru til reiðar at senda 800 hermenn til baltisku londini.