Triðstørsti partaeigarin í BankNordik selt ein part av partabrøvunum

Triðstørsti partaeigarin í BankNordik hevur selt ein part av sínum partabrøvunum í bankanum.

Tað upplýsir bankin í eini fráboðan til danska keypsskálan. 

Tað er norska felagið Protector Forsikring ASA, sum hevur selt umleið eitt prosent av partabrøvunum í bankanum. 

Eigur nú 9,9 prosent av bankanum

Í ársfrágreiðingini fyri 2021 verður upplýst, at Protector Forsikring ASA eigur 11 prosent av partabrøvunum í bankanum. 

Men sambært fráboðanini til keypsskálan í gjár, so eigur felagið nú 9,9 prosent.

Tað eru 959,601 partabrøv.

Protector Forsikring ASA er framvegis triðstørsti eigarin í Bank Nordik. 

Landsstýrið enn størsti parteigari

Landsstýrið er størsti eigarin við 35 prosent av partabrøvunum.

Lind Invest eigur 12 prosent, og síðan kemur Protector Forsikring ASA við 9,9 prosentum. 

Føroysku feløgini p/f Tjaldur og sp/f Framherji eiga bæði um fimm prosent av partabrøvunum í bankanum.