Heilsumyndugleikarnir fara ikki at keypa jodtablettir inn undir seg

Heilsumálaráðið hevur ongar ætlanir um at keypa jodtablettir, sum mótvirka geilsavirkni, inn undir seg. 

Tað sigur Kaj Leo Holm Johannesen, landsstýrismaður í heilsumálum, nú danska heilsustýrið hevur boðað frá, at tað fer at keypa tvær milliónir jodtalblettir, tí at vandin er nú øktur fyri, at Danmark verður rakt av geislavirknum útláti av krígnum í Ukraina. 

Vandin er ikki øktur fyri Føroyar, sigur Kaj Leo Holm Johannesen, landsstýrismaður í heilsumálum. 

Kaj Leo Holm Johannesen leggur eisini afturat, at tað er umráðandi at ikki leypa hvøkk í fólk og at ongin orsøk er at stúra fyri geislvirkni í Føroyum.

Sjálvt um tað skuldi hent, at kjarnorkuvápn verða nýtt í krígnum í Ukraina, so er møguleikin fyri, at geislavirkni rakar Føroyar, sera lítil. 

Kaj Leo Holm Johannesen