Íslendski forsetin til Føroya

Mánadagin 2. mai kemur íslendski forsetin, Guðni Thorlacius Jóhannesson, á vitjan í Føroyum, og hann fer at halda ein almennan fyrilestur í Kongshøll um nationalismu í byltingartíð, og hvat vit smáu tjóðir í Norðuratlantshavi kunnu læra í hesum sambandi. 

Guðni hevur skrivað nógvar greinar og bøkur um nútímans íslendska søgu. Millum annað um toskakríggini, forsetaembætið í Íslandi, fyrrverandi forsætisráðharran, Gunnar Thoroddsen, njósning í Íslandi, fyrrverandi forsetan, Kristján Eldjarn, og eina bók um bankaskrædlið í Íslandi í 2008.

Áðrenn Guðni Thorlacius Jóhannesson tók við sum forseti í 2016, var hann professari í søgu á lærda háskúlanum í Íslandi, umframt at hann hevur undirvíst á lærda háskúlanum í Reykjavík, Bifröst og á lærda háskúlanum í London. Nøkur ár arbeiddi hann eisini parttíð fyri íslendska ríkisútvarpið, RÚV, sum tíðindamaður.