Tvey harðskapsmál í nátt

Stutt fyri klokkan tvey í morgun noyddist ein persónur á sjúkrahúsið á Tvøroyri, tí hann var álopin.

Løgreglan veit, hvør maðurin er, sum framdi harðskapin, og politiið fer at seta seg í samband við hann seinni í dag.

Eisini harðskapur í Havn

Stutt fyri klokkan trý leyp ein ungur maður, yngri enn 20 ár, á ein eldri mann, sum er omanfyri 50 ára aldur, í miðbýnum í Havn.

Politið veit, hvør gerningsmaðurin er. Vakthavandi sigur, at hann er kendur av politinum. 

Fólk, sum vóru á staðnum, tóku myndir av harðskapinum, sum politiið hevur fingið hendur í.

Løgreglan dugir enn ikki at siga, hvør orsøkin var til harðskapsmálini.

Undir illgrund fyri rúsdrekkakoyring

Tveir bilførarar vóru eisini steðgaðir undir illgruna fyri rúsdrekkakoyring.

Ein í Norðstreymi, og ein í Havn.

Blóðroynd er tikin, og nú verður bíðað eftir svari.