Breddin: Pumpuskipan í Vestmanna og skuldin hjá SEV

Ein ætlað útbygging hjá SEV, sum snýr seg um stóra pumpuskipan í Vestmanna, kostar líka nógv sum ein undirsjóvartunnil, ella umleið 1,3 milliardir krónur.

Hetta fer at hækka skuldina hjá almenna orkufelagnum meira enn ein triðing. Hevur SEV ráð til hetta, og kunnu brúkararnir rokna við hægri elprísum, fara vit millum annað at spyrja ein greinara og stjóran hjá SEV.

Forsetavalið í Fraklandi

Vit líta eisini aftur á franska forsetavalið, og hvønn týdning tað hevur, at sitandi forseti vann valið, meðan høgravíðgongdi avbjóðarin, Marin Le Penn, tapti.

Tó var hon væl nærri einum sigri, enn hon var á seinasta vali.

Hvønn politikk skulu vit vænta, at afturvaldi forsetin fer at reka? Tann sama, sum undanfarnu fimm árini, ella verður hann noyddur at broyta politikkin, so hann fær størri undirtøku í franska fólkinum, enn hann hevur nú? Tað fara vit at hoyra ein lektara í fronskum geva okkum eitt boð uppá.

Breddin í útvarpinum klokkan 10.