Landsbankin: Fíggjarstøðan verri enn undan fíggjarkreppuni

Fíggjarstøða landskassans er verri, enn hon var í 2008, tá ið fíggjarkreppan rakti. Landskassin eigur tí at tryggja sær meira á kistubotninum, tá ið góðar tíðir eru, so bjálving er móti verri tíðum.

Tað sigur Landsbankin í dag.

Í 2007, beint fyri fíggjarkreppuna, var nettoskuld landskassans nærum 0.

Í sambandi við fíggjarkreppuna hevði landskassin fleiri ár á rað hall á fíggjarlógini, og skuldin hjá landinum vaks tilsamans 2,8 mia. kr. frá 2008- til 2015. Eftir 2015 og nøkur ár fram var avlop á fíggjarlógini, og tá minkaði nettoskuldin eitt vet. 

Malan Johansen

Malan Johansen er stjóri í Landsbankanum. 

Skuldin aftur vaksin

Síðani 2019 er nettoskuldin tó aftur vaksin, hóast stóra framgongd í búskapinum.

Landsbankin vísir á, at fyri at minka um nettoskuldina, er neyðugt við avlopi á fíggjarlógini. Landsbankin sigur, at málið eigur at vera at byggja upp eina positiva nettoogn upp á umleið 10 prosent av BTÚ, ella á umleið 2 mia. kr. í góðum tíðum.