- Tíðindi, mentan og ítróttur
Undirvísingartilfar á føroyskum kostar 47,5 mió. kr.
Undirvísingartilfar á føroyskum kostar 47,5 mió. kr.
Jenis av Rana, landsstýrismaður, hevur svarað Honnu Jensen, tingkvinnu
Skal alt undirvísingartilfar í miðnámsskúlunum vera á føroyskum, áðrenn trý ár eru liðin, kostar tað 47,5 milliónir kr.
24.05.2022 - 14:51
Skal alt undirvísingartilfarið, sum verður brúkt í miðnámi, vera føroyskt, áðrenn trý eru liðin, kostar tað 47,5 mió. kr.
Tað sigur Jenis av Rana, landsstýrismaður, sum hevur svarað Honnu Jensen, tingkvinnu, sum spurdi um føroyskt undirvísingartilfar í miðnámi.
Fyri hálvum øðrum ári síðani var meting gjørd, svarar Jenis av Rana.
Tá var mett, at um alt tilfarið skuldi gerast til miðnám innan fyri trý ár, fór tað at kosta samanlagt 47,5 mió. kr.
Skal henda tíðarætlan setast í verk, krevjast 16 mió. kr. í meirjáttan um árið næstu trý-fýra árini.
Hanna Jensen spurdi landsstýrismannin í mentamálum um undirvísingartilfar á føroyskum í miðnámi.
Er kopiera
Nýggjastu sendingar í ÚV
