Evropeiskur mentanarhøvuðsstaður í 2030

Evropeiskur mentanarhøvuðsstaður í 2030
Tórshavnar kommuna skal stremba eftir at gerast evropeiskur mentanarhøvuðsstaður í 2030
Mynd: Bjarni Árting Rubeksen  
 
26.05.2022 - 11:37

Tað stendur í nýggja ferðavinnupolitikkinum, sum býráðið í Havn samtykti í gjárkvøldið.

Ferðavinnupolitikkurin er fyri árini 2022 til 2026.

Ferðavinnupolitikkurin hevur heitið, “Fólk og ferðavinna lið um lið”, og fevnir um tilsamans 26 átøk, sum mælt verður til at fremja komandi árini. 

Kjarnin í politikkinum er, at tað fyrst og fremst skal vera gott at búgva í Tórshavnar kommunu, og at kommunan altíð skal stremba eftir, at staðbundni trivnaðurin og ferðavinnan ganga hond í hond.

Tey 26 átøkini eru býtt í tríggjar høvuðspartar.

Fyrsti parturin eru átøk, sum miða eftir at skapa javnvág millum búgvandi og vitjandi. 

Annar partur er at skapa góðar karmar um eitt kveikjandi mentanarlív, sum bæði gagnar borgarunum og dregur ferðandi at sær.

Í triðja parti eru átøk, sum skulu gera høvuðsstaðin til eitt grønari ferðamál. 

Ætlanin er millum annað at fáa fleiri vinnuferðandi og altjóða ítróttartiltøk hendanvegin, tí hesir ferðavinnubólkar kasta lutfalsliga nógv av sær.

Og so stendur eisini í ferðavinnupolitikkinum, at Tórshavnar kommuna skal stremba eftir at gerast evropeiskur mentanarhøvuðsstaður í 2030. 
 

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585