Skaðiligt hjá børnum og ungum at snúsa

Tað er skaðiligt fyri heilsuna hjá børnum og ungum at snúsa.

Tað staðfestir eitt nýtt upprit frá danska Vísindaráðnum fyri fyribyrging.

Granskarar og læknar í norðurlondum hava kannað, hvussu snús ávirkar børn og ung, og úrslitið er ræðandi, siga granskararnir.

Eitt nú ávirkar nikotin heilan á børnum og ungum. Heilin er ikki liðugt mentur fyrr enn í 25 til 30 ára aldri. Og byrjar tú tíðliga í lívinum við nikotini, kann heilin lættari gerast bundin av øðrum rúsandi evnum seinni í lívinum.

Magni Mohr

Magni Mohr er formaður í Fólkaheilsuráðnum.

Angist og strongd

Eisini kann snúsnýtsla elva til sálarligar trupulleikar, sum t.d. tunglyndi, angist og strongd. Kropsliga kann snúsnýtsla elva til fosturskaðar, hjarta- og æðrasjúkur og skaða í munninum.

Og tað er ikki betri fyri heilsuna at snúsa heldur enn at roykja, staðfestir uppritið hjá Vísindaráðnum fyri fyribyrging.

Magni Mohr er formaður í Fólkaheilsuráðnum:

Í Danmark brúkar ein triðingur av ungum, í aldrinum 15 til 29 ár, dagliga ella regluliga nikotin av ymsum slag. Helvtin av hesum triðingi snúsar ella brúkar nikotinposar. Í Føroyum hava vit ikki nøkur sambærilig tøl. Men illgruni er um, at støðan í Føroyum líkist henni í Danmark. 

Sambært formanninum í Fólkaheilsuráðnum, mugu vit gera nógv meira fyri at fyribyrgja snúsnýtslu millum tey ungu í Føroyum: