Jenis av Rana fær endaligt svar í morgin

Jenis av Rana, landsstýrismaður í uttanríkismálum, kunnaði fyrrapartin Uttanlandsnevndina um avtaluna um radaran, sum skal undirskrivast hósdagin.

Formaðurin í Uttanlandsnevndini, Bill Justinussen, sigur, at Uttanlandsnevndin fer at svara landsstýrismanninum um middagsleitið í morgin.

Høgni Hoydal

Høgni Hoydal á veg á fund í Uttanlandsnevndini fyrrapartin.

Ráðførslan er í trúnaði, og tí fæst ikki so nógv at vita um avtaluna, men Bill Justinussen sigur, at tað neyvan verður ein samd nevnd, sum tekur undir við avtaluni um radaran.

Hoyr samrøðu við Bill Justinussen, nevndarformann, og Høgna Hoydal, lim í Uttanlandsnevndini, í útvarpstíðindunum.