Sea Shepherd til Íslands

Sea Shepherd er eisini í Íslandi, nú íslendska hvalaveiðan er byrjað aftur.

Skipið Glom­ar Arctic, sum Sea Shepherd leigar, elti tann eina íslendska hvalastingaran týsdagin.

Skipið kom til Íslands í síðstu viku. Við eru 11 fólk, seks eru í manningini, og so eru fimm ferðafólk.

Sea Shepherd hevur boðað frá, at skipið verður í Íslandi til 17. juli. Sambært Sea Shepherd eru tey komin fyri at taka myndir og útvega sær upplýsingar um hvalaveiðu.

Hvalaveiðan uppafturtikin

Í ár er loyvt at skjóta 161 nebbafiskar og 217 sildrekar í íslendskum sjógvi.  

Seinastu trý árini er eingin hvalur skotin við Ísland, undantikin ein sildreki í fjør.

Í 2018 vóru stívliga 150 hvalir skotnir.

Síðani byrjað var at telja hval við Ísland í 1987, eru støðugt fleiri nebbafiskar sæddir við Ísland.

Talt verður fimta hvørt ár. Næstu ferð verður talt í 2024.

Ferðavinnan, serliga tey, sum sigla við ferðafólki at síggja hval, hevur funnist at avgerðini um hvalaveiðu.