Uppskot um serstaka byggisamtykt kunngjørt

Uppskotið um serstaka byggisamtykt fyri økið í miðbýnum í Havn, har sum ætlanin er at byggja eitt parkeringarhús, liggur nú frammi.

Møgulig mótmæli ella broytingaruppskot skulu vera Tórshavnar kommunu í hendi í seinasta lagi 25.august.

Húsið skal vera millum Bøkjarabrekku og Kongagøtu.

Har skulu vera í mesta lagi 135 parkeringarpláss og 21 íbúðir.

Í minsta lagi seks parkeringarpláss skulu gerast til fólk við rørslutarni. 

Húsið má ikki vera hægri enn 13 metrar.

Innkoyringin verður í Bøkjarabrekku og útkoyringin í Kongagøtu.

Sambært kunngerðini um serstøku byggisamtyktina skulu framsíðurnar tykjast innbjóðandi og hava eitt ávíst fjølbroytni.