Zelenskyj: Russland farið í opið gasskríggj

bannari
Zelenskyj: Russland farið í opið gasskríggj
Russland skrúvar niður fyri gassveitingini til Evropa, tí rør skulu umvælast, siga russar sjálvir
Russar skerja gassveitingina gjøgnum Nord Stream 1 til Evropa.
Mynd: Ritzau Scanpix  
 
26.07.2022 - 08:25

Russar skrúva nú niður fyri gassveitingini til Evropa.

Russland boðaði í gjár frá, at landið frá í morgin fer at minka gassveitingina gjøgnum rørleiðingina, Nord Stream I, til Evropa.

Orsøkin til, at Russland nú skrúvar niður fyri gassinum, er, at rørini skulu umvælast, siga russar sjálvir.

Ukrainski forsetin, Volodomyr Zelenskyj, er firtin um boðini frá almenna russiska gassveitaranum, Gazprom.

 

Gasskríggj

Zelenskyj sigur, Russland er farið í "opið gasskríggj" og fremur "okkurt slag av yvirgangi", í royndini at gera veturin í Evropa so truplan sum gjørligt.

Nord Stream I flytur hvørt ár 55 milliardir rúmmetrar av gassi úr Russlandi til Týsklands.

Tað er nóg mikið til at hita umleið 26 milliónir heim í Evropa við gassi.

Týskland telist millum londini, sum er mest tengd av russiskum gassi. Fleiri onnur lond í Evropa, eitt nú Italia, fáa eisini nógv gass, sum kemur gjøgnum Nord Stream I.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585