Olju- og bensinprísirnir lækkaðir

Eftir nógvar príshækkingar, síðani kríggið í Ukraina tók seg upp, hava føroysku oljufeløgini síðstu tíðina fleiri ferðir lækkað olju- og bensinprísirnar.

Í morgun kostaði ein litur av bensini hjá Magn 13 krónur og 25, og ein litur av dieselolju 12 krónur og 29.

Tað er ein príslækking upp á ávikavist 20 og 16 oyru síðani í gjár.

Gassoljan er somuleiðis lækkað 16 oyru fyri liturin, so túsund litrar av gassolju frá Magn kosta nú 11.550 krónur.

Effo hevði í morgun enn somu prísir, sum Magn hevði í gjár, men hevur síðani eisini lækkað sínar prísir, so teir eru teir somu sum hjá Magn.