Miðlar: Privatu grønlendsku miðlarnir betur fyri enn teir føroysku

Signe Ravn-Højgaard, sum luttók á ráðstevnuni "Miðlar á vegamóti" í Norðurlandahúsinum í dag, undirvísir og granskar á Universitetinum í Grønlandi. 

Hon hevur granskað nógv í miðlunum í teimum vestaru norðurlondunum, sum hon kallar Grønland, Ísland og Føroyar. 

Signe Ravn-Højgaard staðfestir, at privatu grønlendsku miðlarnir og bløðini eru ikki rakt á sama hátt sum føroysku bløðini, ið hava verið fyri stórari afturgongd seinastu árini. 

Hinvegin er grønlendska kringvarpið rakt av starvsfólkamangli.

Fyrst og fremst tí, at lønirnar ikki liva upp til tær, sum eitt nú grønlendskir stovnar og almenna fyrisitingin kann bjóða journalistunum, ið vilja bjóða seg fram sum samskiftisráðgevar og annað. 

Hon sigur soleiðis um miðlastøðuna í Grønlandi.