Fíggjarnevndin viðger uppskot um pening frá Novo Nordisk

Fíggjarnevndin hjá løgtinginum fer fyrrapartin mánadagin at viðgera uppskotið hjá landsstýrismanninum í heilsumálum um loyvi at taka ímóti 121 milliónum krónum frá Novo Nordisk grunninum.

Peningurin skal brúkast í árunum 2023 til og við 2032 til at fíggja rakstur og íløgur í samstarvinum millum Novo Nordisk grunnin og Heilsumálaráðið.

Samstarvið skal vera um viðgerð, tvørgeiraligt samstarv og gransking í diabetes og endokrinologiskum sjúkum.

Ein Steno diabetismiðstøð skal byggjast upp í Landssjúkrahúsið. 

Fyrsta viðgerð var um málið 4.august.

Til fíggjarnevndarfundin mánadagin eru Ílegusavnið, Vísindasiðsemisnevndin, Etiska ráðið, landsstýrismaðurin í heilsumálum, Landssjúkrahúsið, Klaksvíkar sjúkrahús og Suðuroyar sjúkrahús innkallað.

Tingfundur er týsdagin.