Nýggju landsstýrisfólkini standa seg betur enn tey undanfarnu

Ein veljarakanning, sum Blaðið Vikuskifti kunnger í morgin, vísir, at nýggju landsstýrisfólkini standa seg betur enn tey, sum røktu sessirnar undan teimum. 

Veljarakanningin er gjørd í sambandi við, at tað nú er eitt ár eftir, til løgtingsval verður í seinasta lagi.

Kanningin, sum Spyr.fo hevur gjørt, vísir millum annað, at tey fýra nýggju landsstýrisfólkini hava staðið seg betur enn tey, sum vóru frammanundan

500 fólk vóru spurd 24. august um, hvussu tey halda, at landsstýrisfólkini hava staðið seg. Tey flestu liggja um miðal, sum er trý stig. 

Magnus Rasmussen, sambandsflokkurin

Magnus Rasmussen avloysti Helga Abrahamsen av í umhvørvis- og vinnumálaráðnum, og hann stendur seg best, halda tey spurdu í kanningini. (Mynd: Bjarni Árting Rubeksen)

Veljarin heldur, at tað er landsstýrismaðurin í umhvørvis- og vinnumálum, sum klárar seg best. 

Meðan Helgi Abrahamsen í kanningini 30. mars 2021 fekk 2,52 stig, fær nýggi maðurin í sessinum, Magnus Rasmussen 3,31 stig.

Hini trý nýggju landsstýrisfólkini vera eisini mett at klára seg betur enn tey undanfarnu.

Øll veljarakanningin verður tøk í Blaðnum Vikuskifti, sum kemur út klokkan sjey í morginári á forsíðuni á Portal.fo.