Fólkaflokkurin og Sambandsflokkurin sterkari á bygd

Tað vísir veljarakanningin, ið Spyr.fo hevur gjørt fyri Blaðið Vikuskiftið hjá Portalinum, og sum var almannakunngjørd í gjár.

Hinvegin hevur Javnaðarflokkurin sama stuðul á bygd sum í høvuðsstaðnum.

Fólkaflokkurin fær undirtøku frá 20 prosentum á bygd og Sambandsflokkurin frá 21 prosentum, men í Havn fáa flokkarnir bara ávikavist 12 og 14 prosent.

Tjóðveldi fær undirtøku frá 24 prosentum í Havn og 16 prosentum á bygd.

Merkisvert er, at Framsókn fær undirtøku frá 14 prosentum í Havn og er tískil líka stórur sum Sambandsflokkurin og størri enn Fólkaflokkurin í høvuðsstaðnum.

Framsókn fær afturfyri bara stuðul frá trimum prosentum uttan fyri Havnina.