Hava fiskað 95.000 tons í føroyskum sjógvi

Russisk skip hava higartil í ár fiskað stív sløk 95.000 tons í føroyskum sjógvi.

Tey hava yvir 800 fiskidagar her, vísa hagtøl hjá Vørn.

Nógv tað mesta er svartkjaftur, næstan 86.000 tons.

Russisku uppsjóvarkvoturnar í føroyskum sjógvi eru í ár 75.000 tons av svartkjafti, 13.300 tons av makreli og 9.200 tons av sild, ella tilsamans 97.500 tons.

Men umframt svartkjaftskvotuna, 75.000 tons, hava skip undir russiskum flaggi atgongd at fiska í mesta lagi 13.959 av svartkjafti í føroyskum sjógvi í ár

Hetta er partur av russisku svartkjaftakvotuni í altjóða sjógvi í NEAFC-skipanarøkinum í 2022.