Mæla til at skerja toskaveiðuna í Barentshavinum 20 prosent

Norskir og russiskir fiskifrøðingar mæla til, at toskaveiðan í Barentshavinum verður skerd 20 prosent.

Heildarveiðan næsta ár má ikki vera størri enn 566.784 tons. Tað eru 177.000 tons færri enn í ár. 

Hetta er tað minsta síðani 2009.

Skerjingin hevði verið størri, stív 30 prosent, var skerjingin millum ár ikki avmarkað til 20 prosent.

Í fjør var skerjingin eisini 20 prosent. Tá átti hon at verið 40 prosent, sigur fiskifrøðingar. 

Lítil gýtingarstovnur

Fiskifrøðingarnir siga, at gýtingarstovnurin hjá toski hevur ikki verið minni síðani 2008. 

Kanska koma fleiri skerjingar fyri 2023, siga teir.

Minni veiða gevur størri prís.

Fiskifrøðingarnir boða eisini frá, at tilmæli teirra um hýsu er fimm prosent minni enn í fjør.

Mælt verður til ikki at fiska meira enn 170.000 tons av hýsu í Barentshavinum næsta ár.