Skeyt alt fyri eitt hassjdóm inn fyri Landsrættin

08.09.2022 - 11:26
Aktuelt112
Skeyt alt fyri eitt hassjdóm inn fyri Landsrættin
Føroya rættur dømdi í gjár try fólk fyri at royna at smugla góð níggju kilo av hassji til Føroya í summar
Føroya rættur dømdi í gjár trý fólk treytaleysa fongsulsrevsing fyri at royna at smugla hassj til Føroya.
 

20 ára gamla kvinnan, sum í gjár fekk eitt ár og tríggjar mánaðir í fongsul, sendi alt fyri eitt dómin í Landsrættin.

Dómurin, sum hon fekk í Føroya rætti, er treytaleysur.

Tveir menn, annar 19 ár og hin 26 ár, fingu ávikavist hálvtannað ár og tvey ár. 

Báðir dómar eru treytaleysir.

Teir bóðu um tíð at umhugsa, um teir skulu skjóta dómarnar inn fyri Eystara landsrætt. Teir hava 14 dagar at hugsa um tað.

Tey trý eru dømd fyri at royna at smugla 9,3 kilo av hassji við Norrønu til Føroya í juni.

 

Játtaði seg sekan

19 ára gamli maðurin, sum kom við hassjinum úr Danmark, játtaði seg sekan.

Menninir hava verið í varðhaldi síðani 13.juni. Í gjár læt Føroya rættur tann 19 ára gamla mannin leysan. 

Men hann er tó enn í varðhaldinum, tí ákæruvaldið skeyt tann úrskurðin inn fyri Landsrættin.

Hin maðurin verður verandi í varðhaldinum, til hann skal sita dómin. 

Ingi Midjord, ákæri, sigur, at ákæruvaldið er nøgt við dómarnar, tí teir vóru sambært tí, sum ákæruvaldið kravdi.
 

Er kopiera
Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669