- Tíðindi, mentan og ítróttur
Føroyski toskafiskiskapurin missir MSC-góðkenning
Føroyski toskafiskiskapurin missir MSC-góðkenning
Mikudagin missa Føroyar fyribils MSC-góðkenningina fyri tosk, tí gýtingarstovnurin er farin niður um markvirðið hjá ICES fyri burðardygd
Eftir 14. september ber ikki til at selja føroyskan tosk sum MSC-góðkendan, sum merkir, at hann er fiskaður burðardygt
Mynd: Savnsmynd
12.09.2022 - 06:45
Gýtingarstovnurin hjá toskinum undir Føroyum er farin niður um markvirðið fyri burðardyggan fiskiskap. Tí missir føroyski fiskiskapurin eftir toski sína MSC-góðkenning.
Tað sigur Faroe Islands Sustainable Fisheries (FISF), sum er samstarv millum fiskivinnuna og granskingarumhvørvið í Føroyum við tí fyri eyga at skapa burðardyggan fiskiskap í havumhvørvi okkara.
FISF sigur, at fyribils steðgurin í góðkenningini merkir, at toskur, sum er fiskaður eftir 14. september kann ikki seljast og marknaðarførast sum MSC-góðkendur.
Harmiligt
FISF harmast um, at MSC-góðkenningin fyri tosk verður steðgað bara eitt ár eftir, at hon kom.
Møguligt er at fáa MSC-góðkenningina aftur, tá stovnsmetingarnar hjá Havstovuni og ICES vísa, at gýtingarstovnurin hjá toski aftur er komin á eitt nøktandi støði, sigur FISF.
Er kopiera
Nýggjastu sendingar í ÚV
Nýggjastu sendingar í SV
