Seks limir í Etiska Ráðnum koyrdir til hús

Seks limir í Etiska Ráðnum koyrdir til hús
Forkvinnan undrast á avgerðina, tí ráðið hevur hevur fleiri mál á skránni, og valskeiðið er fýra ár
Anne Mette Greve Klemensen, forkvinna í Etiska Ráðnum, er millum teir seks stýrislimirnar, sum eru koyrdir til hús mitt í valskeiðnum.
 
16.09.2022 - 14:58

Seks av níggju limum í Etiska ráðnum eru sendir til hús 1. oktobur.

Tað váttar forkvinnan í ráðnum, Anne Mette Greve Klemensen, sum er millum teirra, sum hava fingið uppsøgn frá landsstýrismanninum í heilsumálum, Kaj Leo Holm Johannesen.

- Eg undrist og rokni við, at talan man vera um eina misskiljing, av tí at mítt valskeið er fýra ár, sigur Anne Mette Greve Klemensen.

1. oktober eru júst tvey ár síðani hon tók við sum forkvinna í Etiska Ráðnum.

 

Virkar væl og er væl skikkað

Hon sigur, at eftir hennara tykki er Etiska Ráðið bæði vælvirkandi og vælskikkað. Tey hava nógvar ætlanir um ymisk mál, sum tí liggja og bíða eftir at verða viðgjørdar, og hon harmast tí um, at ráðið ikki fær arbeitt.

Seks av teimum níggju limunum hava fingið teldupost frá landsstýrismanninum, har hann takkar fyri samstarvið og samstundis boðar frá, at tey eru uppsøgd frá 1. oktober at rokna.

Anne Mette Greve Klemensen sigur seg undrast stórliga. Hon fer at seta seg í samband við Kaj Leo Holm Johannesen at spyrja hann, um talan er um eina misskiljing.

Hon sigur, at tey høvdu roknað við, at tríggir limir fóru at vera skiftir út.

Skeiðið hjá limum í Etiska Ráðnum er fýra ár. Kortini hava tríggir limir longu sitið í fimm ár.

Hetta, hóast forkvinnan síðani desembur í fjør fleiri ferðir í telduposti hevur spurt, hvussu ráðið fór at vera mannað frameftir.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592