Nýggjur stjóri í Effo

Gunnar Nielsen er settur sum nýggjur stjóri í orkufelagnum Effo.

Hann kemur úr starvi sum fíggjarstjóri í norsku alifyritøkuni Salmar. 

Frammanundan hevur Gunnar Nielsen verið fíggjarstjóri í Bakkafrost, og hann hevur eisini leiðslu- og starvsroyndir í øðrum stórum føroyskum fyritøkum.

Gunnar Nielsen, sum er 45 ára gamal, er útbúgvin cand.merc.aud á Copenhagen Business School.

Hann tekur við starvinum 1. januar 2023.