Ókeypis at koyra í Norðoya- og Vágatunlinum

Nú verður ókeypis at koyra í Norðoya- og Vágatunlinum. Uppskot verður í næstum lagt fram, um at partafeløgini verða tikin av, og at tað verður ókeypis at koyra í báðum tunlunum.

Samferðslubólkurin og Uni Rasmussen, landsstýrismaður í samferðslumálum, hava gjørt semju um málið, og bólkurin sigur, at eingin í samgonguni er ímóti tí.

Jákup Mikkelsen, tingmaður fyri Fólkaflokkin, er ein av limunum í samferðslubólkinum:

Semja er eisini gjørd um at skipa Strandferðsluna í almennan stovn og at lækka ferðaseðlaprísirnar hjá útoyggjafólki suðuroyingum og sandoyingum.