Ákærdur fyri blúnisbrot móti fimm ára gamlari gentu

Føroya rættur fór í dag undir at viðgera eitt mál, har ein 20 ára gamal maður er ákærdur fyri blúnisbrot móti eini fimm ára gamlari gentu. 

Maðurin er eisini ákærdur fyri at hava tikið ósømiligar myndir av gentuni. 

Hendingin fór fram tann 28. oktober í 2020, har tann ákærdi skal hava nomið við gentuna undir klæðunum, og samstundis hava avmyndað hana nakna. 

Maðurin er ákærdur eftir grein 232 og grein 264-A í revsilógini, ið fevnir um ávikavist blúnisbrot móti barni og ólógliga myndatøku av privatum persóni uttan fyri almenna rúmið. 

Maðurin noktar seg sekan í ákæruni um blúnisbrot, men játtar at hava tikið myndir av gentuni.