Rúsan læt dyrnar upp fyri 30 árum síðani

Nýggja rúsdrekkalógin um innflutning og sølu av rúsdrekka varð samtykt 10. mars í 1992.

Rúsan, Rúsdrekkasøla Landsins

Stóra broytingin var, at Rúsdrekkasøla Landsins, sum millum manna verður kallað Rúsan, varð sett á stovn, og at nýggi stovnurin skuldi hava einkarrætt at flyta inn og selja rúsdrekka í Føroyum.

rusan_30_ar_3.jpg

2. november í 1992 var so stóri dagurin, tá ið dyrnar á fyrstu sølubúðunum fóru upp á víðan vegg. 

Rúsan, rúsdrekka

Ein onnur týðandi broyting var, at hotell og matstovur fingu loyvi til at skeinkja rúsdrekka eftir eini serligari loyvisskipan, og at aldursmarkið at keypa rúsdrekka var sett niður úr 20 í 18 ár.

Í sambandi við 25 ára dagin hjá Rúsuni gjørdi Bogi Godtfred hetta innslagið til Dag og viku, har róð var aftur á søguna hjá Rúsuni. 

Fyrstu sølubúðirnar vóru handilin við Hoyvíksvegin 51 í Havn og handilin í Bøgøtu 38 í Klaksvík.

Í 1993 lótu sølubúðirnar á Drelnesi í Suðuroy, á Mølini í Skálavík, í Heiðunum í Miðvági og í Saltangará upp.

20. mai í 2015 læt Rúsdrekkasøla Landsins upp sjeynda handilin í bygninginum hjá Stanley við Norðskála - 22 ár eftir at fyrstu seks sølubúðirnar lótu upp.

18. mai í 2017 læt Rúsdrekkasølan upp áttanda handilin í Vestmanna. 

Rúsan, øl

Stjórar gjøgnum hesi 30 árini: 

Dagmar S. Joensen (1992 - 2005)
Elsa Maria Holm Olsen (2005 - 2011)
Allan Skaalum (2011 - 2012 fyribilsstjóri)
Rógvi Andrias Fossádal (2012- )