Fleiri akfør í Eysturoyartunlinum í oktober enn somu tíð í fjør

Miðalferðslan í Eysturoyartunlinum var 5.300 akfør um samdøgrið í oktober.

Hon var eitt sindur størri í september, tá hon var 5.418 akfør.

Men í oktober í fjør var hon nógv minni, 4.628 akfør.

Eisini í Norðoyatunlinum og í Vágatunlinum var minni ferðsla í oktober enn í september. 

Miðalferðslan í Norðoyatunlinum í oktober var 4.002 akfør. Í september var hon 4.326 akfør.

Men í oktober í fjør vóru akførini 3.909 í miðal um samdøgrið.

Í Vágatunlinum vóru akførini 2.767 í oktober og 2.984 í september.

Miðalferðslan har var 2.709 í oktober í fjør.